改善呼吸質素，腹式呼吸法呼

吸呢個行為與生俱來，你同我都識，但你又知唔知，原來呼吸質素都有分好同唔好？其實有質素同效率嘅呼吸，應該係順暢、穩定同安靜㗎。

有效嘅呼吸，可以降低我哋對氧氣所需嘅量，另外，深而慢嘅呼吸可以放鬆肌肉，有效減低我哋每日面對嘅壓力㗎！

腹式呼吸係其中一種呼吸練習，每日練五分鐘可以幫助鍛鍊橫隔膜肌肉，從而穩定同減慢呼吸。而且方法簡單，坐低就練到，一齊嚟試吓啦！

【腹式呼吸法】

1. 舒服自然地坐喺櫈上，放鬆頭、肩、頸。

2. 一隻手放喺心口，另一隻放喺胸骨以下，感受橫隔膜嘅肌肉。

3. 慢慢用鼻吸氣，令腹部向前擴張，胸部盡量保持唔郁。

4. 慢慢用口呼氣，利用腹部肌肉將氣呼出。

資料參考: https://link.mtrmb.mtr.com.hk/moblink/?news/?id=bltd0f59a74d45cbfaf